ORIENTACIÓN ACADÉMICA

 A orientación académica é un dos ámbitos de intervención máis importantes dentro das funcións que desenvolven os Departamentos de Orientación dos centros de Educación Secundaria.

Na orientación académica compre ter en conta estes aspectos: axudar  ao alumnado no desenvolvemento do autocoñecemento, facilitar o acceso a unha boa información e asesoralo para que aprenda o que é o proceso de toma de decisións.

Ao longo da etapa de Educación Secundaria Obrigatoria e do Bacharelato todos os alumnos e alumnas estaredes suxeitos a tomar decisións en canto ás materias optativas , itinerarios e modalidades de bacharelato,  barallar as variables anteditas  facilitará unha axeitada  decisóns  ou cando menos unha decisión autónoma e fundamentada.

Os titores, a orientadora e o profesorado en xeral colaborarán na axeitada orientación académica dos alumnos e alumnas.