CASIOPEA

Benvidos de novo. Tras o descanso de Nadal seguimos traballando no coñecemento e xestión das nosas emocións. Neste video aprendemos a manexar a ira e a frustración  cos exercicios de respiración. Aconséllote que o vexas e qe practique o que no mesmo se propón. Feliz 2026!!

Esta pequena curtametraxe fainos reflexionar sobre a lealdade . Podemos pensar como comportarnos cos nosos amigos e amigas, como é o noso trato cara ao animais  e como podemos mellorar a convivencia nos lugares nos que vivimos.

Podes ter distinta actitude e diferentes  reaccións ante diversos acontecimentos da vida cotiá.   Cal pensas ti que che pode facer levar unha vida máis satisfactoria?.    Neste video convidámoste a reflexionar sobre o valor da empatía e da axuda.

 

 

 Deixámosvos este video co que podemos aprender a detectar situacións que poden estragar as relacións entre compañeiros e compañeiras . Unha vez saibamos que tipo de actuacións e condutas non son axeitadas  para xerar un bo clima e para  mellorar a convivencia nas aulas e no instituto  poderemos evitalas.

  O alumnado do IES San Paio participará nesta 3ª Xornada na que descrubriremos os nosos Súper Poderes

  Durante este curso e desde o departamento de Orientación do IES San Paio temos como obxectivo contribuír a que todo o alumnado faga un uso axeitado dos dispositivos móbiles e das aplicacións e redes sociais.  Ademais de diversas charlas divulgativas, traballarase sobre este tema  nas sesións de titoría. Por iso,  no   noso blog publicaremos material audiovisual de carácter didáctico, para reflexionar e axudar ao alumnado a coñecer os riscos e perigos dun mal uso de internet e das redes sociais , así como para favorecer unha ciberconvivencia positiva.

    As redes sociais son un xeito de comunicarnos que pode ser moi gratificante xa que nos permite conectar coas amizades que están lonxe e que non podemos ver a cotío. Permítenos consultar información interesante e do nos gusto e   charlar con outras persoa en moitos momentos do día. Sen embargo debemos coidar como transmitimos as nosas mensaxes e tamén os contidos que compartimos, Déixovos aquí unha pequena cuetametraxe para reflexionar  e con consellos para fomentar unha ciberconvivencia positiva. Video CIBERCONVIVENCIA POSITIVA  

 A s redes sociais son unha ferramenta marabillosa para manter  a relación coas amizades que están lonxe, seguir páxinas con información do noso interese e enterarnos da actualidade. Sen embargo debemos ter moito ollo á hora de compartir a nosa información privada e datos persoais, xa que en ocasións non sabemos que uso farán da mesma as persoas que teñen acceso a ela. Cóida o que compartes nas redes sociais!. Deixámos un pequeno video que nos axuda a reflexionar sobre este feito.

 Neste dous videos poderás aprender algunhas estratexias que che axudarán a xestionar emocións como a ira. Poñelas en práctica contribuirá a que resolvas mellor situacións conflitivas, evitando a frustración e a agresividade,

 QUE É O ACOSO ESCOLAR?  Despoios de ver este vídeo, comprenderemos mellor que é o acoso escolar e como previr que ocorra.